楊怡踢爆陳豪有米so豪！
陳豪雖然予人傻更更之感，但其實甚懂投資理財，楊怡更指他對股票眼光獨到，大爆他身家豐厚，坐擁幾幢物業，笑指他的花名是「有米豪」。
陳豪、楊怡、夏雨日前到灣仔金紫荊廣場拍新劇《溏心風暴之家好月圓》外景，講述楊怡、夏雨勸陳豪別再沉迷炒股。而現實中，楊怡指陳豪對股票、買樓投資甚有心得，更大爆陳豪坐擁幾幢物業，身家豐厚。
楊怡說：「我對股票投資唔叻又冇心得，所以全部交畀媽咪負責，不過陳豪投資好叻、好有眼光，咪睇佢平日傻更更，佢有幾幢樓，好有錢o架！如果第二時我經濟出o左問題冇地方住，希望陳豪會租間屋畀我，所以佢個花名叫『包租豪』或者『有米豪』都得。」
買樓師奶心態
陳豪被楊怡指他是「有米豪」，他笑笑口說：「唔係，唔好聽佢講。（佢話你投資好叻？）我都係保護自己財產，希望將來過得舒服o的o者，身家都係中等。（係咪有幾幢物業？）得一層o者，我係師奶心態，唔想買貴o野，覺得依家樓巿仲係偏高。（幾時識得投資？）十幾歲o既時候係搵一蚊使一蚊，到初初入娛樂圈，成日冇工開，為o左慳錢試過由尖沙咀行去太子，可能窮過，依家更珍惜所有o野。」
拍攝期間三人吸引大批「個人遊」旅客圍觀，更有不少旅客向他們索簽名及合照，雖然成為「人肉布景板」，難得他們仍然笑笑口、來者不拒，十分親切。