20/09/2008 (SAT) 星島日報 (節錄)

觀眾睇到同聲一哭 攞女喊贏于素秋

FANS討論區

溏心風暴之家好月圓》即將播映結局篇，楊怡扮演的「攞女」備被網友讚賞，有人更以「睇楊怡喊，睇到我都喊！」來開Post，網友讚她拍喊戲拍得又好又自然，令大家看得好投入，大讚她比鍾嘉欣（飾于素秋）的演技出色，不過也有網民表示無感覺。

cherry0115：係囉，我都睇到喊，把鬼火，真係好鬼激氣！畀着我係阿月，離家出走後一定唔會寫番封信認錯，仲要其實自己無錯！

Carrie0181818：睇到我都委屈埋……好鬼慘！呢啲事都唔係一兩次啦……阿月真係慘（雖然係劇情）！

faceshop：我都睇到喊呀！上次睇楊怡離家出走，又睇到喊喎！今次又係~~~楊怡真係做得好好！希望TVB力捧楊怡啦！我睇胡杏兒 都未試過喊。

loldfa203：佢啲喊戲真係做得好好，無一個女演員有佢咁放，放得嚟又咁自然，佢一邊喊一邊話自己無偽造封信嗰陣，做得好真實，好似真係畀人屈緊咁！

winniekoyle：Yes！我都覺得阿月好慘，我都睇到流眼淚。

FOBFO：楊怡真係做得好好好好！好過鍾嘉欣N倍~~~~