| 11/11/2008 (TUE) 太陽報 節衣縮食抗金融海嘯 楊怡被閂水喉慳住「洗」 金融海嘯搞到好多圈中人都叫苦連天，楊怡都身受其害，雖然佢o係投資屬穩陣派，海嘯並冇令佢身家大縮水，但係佢向來有潔癖，平時一日沖幾次涼，朋友都笑佢沖到皮都甩！不過o係金融海嘯衝擊下，楊媽媽勒令「楊家」上下實行開源節流大計，全面實行縮皮政策，楊怡o既沖涼次數亦受管制，為o左慳水慳電，每日只准佢沖兩次涼同埋洗一次頭，買o野開支亦要縮皮，伙食質素大受影響，楊怡狂呻冇啖好食！ 其實楊怡都好明白媽媽o既苦心，佢自己都係一個精打細算o既人，擔心明年社會經濟未回復，所以都要未雨綢繆，佢好體諒媽媽慳錢大計，仲笑言好過財爺o既預算案。 SoSo姐仲知道唔少闊太因為男友或者老公身家縮水，連家用都大打折扣，但係仲要効人前繼續扮富貴，SoSo姐就聽聞某位名人，為冲唔想畀人知佢投資失利，冇�髒握S冇經濟支柱，惟有日日穿梭中環大小名店，撞見其他圈中人就企埋一邊吹水，連去酒店High Tea都慳番！ |